停課不停學 Sight-reading

最近又到學校考試既月份喇，學生會有請假、會有少左每日分配俾練琴既時間，但係唔緊要，就算唔夠時間每日都練晒所有課題都好，MISSHO 都想學生堅持兩件事情。

（1）手指肌肉練習、身體放鬆練習

（2）Sight-reading 視譜練習

哩兩項練習都只需要花每日10-15分鐘既時間哦（當然有充裕時間都要好好完成我地所有手頭上既作業課題哦！）

今日想同大家分享下點解MISSHO 會希望學生每日Sight-reading優先於恆常既作業，例如練習曲、甚至係考試曲

以往既考級項目入面其實係有Sight-reading哩個項目，Sight-reading係代表「即看即奏」，考官會俾30秒時間你去分析樂曲、去練習，然後就需要作出演奏。

Sight-reading既樂曲其實唔長，代表你可以用最短既時間，更快地去認識更多新既樂曲。

除左練習最基本既音符音程同埋節奏變化之外，而家既Sight-reading練習素材真係好豐富！多變既樂曲風格、音樂性，俾學生可以了解音樂既世界，原來可以有咁既變化、點樣既結構可以出現點樣既樂曲意境。

對樂曲風格理解多左，亦對去尋找自己想要既音樂、聲音好大既幫助，繼而係音樂路上有更大既動力繼續探索，更享受到音樂帶俾自己既樂趣。

加油啊，你地努力拍片俾MISSHO，MISSHO 都會同樣俾心機回應你地、俾意見你地，陪你地一齊成長💕